狗狗不幸患上口腔癌，仲要係一種擴散得好快嘅癌症。 呢款產品係外國一位專門研究及醫治狗狗癌症嘅獸醫推薦。 正常細胞都有特定嘅生命週期，但癌細胞就缺乏咗自我消滅 (Apoptosis) 嘅特徵。 呢款補充品就係針對促進 apoptosis，同時增強免疫力嘅產品。 雖然知道冇咩可能醫返好，但至少唔想狗狗最後嘅日子太辛苦，只想佢快快樂樂咁離開。 上網睇過唔少評價，用後嘅狗狗都維持到生活品質。 香港寵物網站一般賣 $500 左右，美國 Amazon 正價都要 USD$55，咁啱我上網搵資料嘅時候遇到佢減價，半價可以入手。