相信大部分會員喺 Thanksgiving / Black Friday / Cyber Monday 期間嘅戰力大都會比平時高出幾倍，雖然我哋 Buyandship 一班同事已經做足準備，全民皆「倉」準備幫手處理貨件。不過為咗更有效咁處理各位嘅戰利品，我哋都希望各位盡量配合，等我哋可以盡快咁幫你將貨件轉運返嚟，即刻睇睇年度盛事需知啦！
貨件到港前需知：
- 美國倉同事好貼心咁叫我哋記得提提大家，由於貨量大增，好大機會要係貨件簽收後嘅第 2-3 日先會安排入庫；
- 各位亦記得要準時及正確咁申報貨件。因為如果我哋簽收咗但未見到相關申報資料，就會有機會延遲收到未申報通知，仲需要額外 2-3 天才能安排入庫及出庫；
- 雖然喺呢個購物節高峰期期間我哋會馬不停蹄咁處理貨件，不過預期出庫時間都會無可避免咁受到輕微影響。一般而言係 Thanksgiving 期間我哋會喺入庫後 1-3 日出庫；
- 由於全世界都會喺呢段時間搶購，空運貨量會大增，所以或者會有機會出現航班延誤。貨件由平時出庫後 4-6 天到港，有機會需要額外出庫後 1-4 日先可以到達香港倉庫。
貨件到港後需知：
- 如果 Thanksgiving 期間買嘅貨件係打算用嚟送比人做聖誕禮物，小編誠意推薦你選用自提點取貨，咁樣會較快拎到貨；
- 另外，倉庫處理合併集運單嘅所需時間都會比平時稍為延長，可能會比平日需要額外 1 日時間。
客服需知：
- 喺辦公時間內，正常都會係 15 分鐘之內解答到你嘅問題，不過 Thanksgiving／Black Friday／Cyber Monday 期間實在係會有太多查詢嘅關係，我哋可能需要平均 1-2 小時先可以解答到你嘅疑問；
- 而喺非辦公時間（即星期一至五既晚上 7 時後、星期六及星期日），可能需要 4－6 小時先可以回答到你嘅問題。
立即睇 Black Friday 終極天書
