孝順仔孝順女必睇！母親節禮物指南

► Coach

要襯得起高貴嘅媽媽，當然就要揀返個有返咁上下份量嘅牌子啦～Coach 就係一個非常唔錯嘅選擇！佢哋嘅款比起其他牌子更適合媽媽們，喺香港門市買梗係貴啦，但其實網購的話都唔算太貴，絕對可以負擔得到！

預計到港需時: 出庫後 4 至 6 天到香港

► Kipling

Kipling 嘅袋款較多間隔又實用，絕對啱哂媽媽們啦！而家佢哋出咗母親節優惠，只要入 Code 就可以有七五折優惠，印花圖案又有淨色款都有，無論媽媽鍾意咩款式都可以喺呢度揀到！Code：4MOM

預計到港需時: 出庫後 4 至 6 天到香港

► Dogeared 自訂心意卡 + 頸鏈

送禮物有時唔係睇價值，而係講求心意，尤其是送嘢俾媽媽，買太貴嘅嘢俾佢哋反而會覺得你嘥錢～既然係咁不如就花少少心思，喺 Dogeared 呢個網度揀張心意卡，再打上你想同媽媽講嘅感謝說話，最後揀一條最襯媽媽嘅頸鏈就 OK 喇～頸鏈款式仲非常多，簡約又有高貴又有，總有一款啱媽媽心水！

預計到港需時: 出庫後 4 至 6 天到香港

► Origins

護膚品牌 Origins 推出咗母親節套裝，每款都有寫明適合邊類型嘅肌膚使用，咁就可以根據媽媽嘅皮膚以及需要嚟選購啦～而優惠套裝就當然比起散買更加抵啦，媽媽知道你咁識揀一定更加安慰！

預計到港需時: 出庫後 4 至 6 天到香港

► Sabon

媽媽每日都要做咁多家務，雙手好容易因為經常沾水而甩皮，不妨揀返啲 Hand Cream 俾媽媽滋潤雙手。Sabon 仲有好多唔同嘅身體護理產品，好似磨沙、按摩油等等，送埋俾媽媽等佢可以忙碌完一日後都可以有放鬆嘅時間！

預計到港需時: 出庫後 4 至 6 天到香港

► 各大護膚彩妝品

任何年紀嘅女性都鍾意扮靚，就算已經成為媽媽嘅女士們都一樣！所以送護膚或者彩妝品俾媽媽都係非常好嘅選擇，Nordstrom 就有各大護膚以及彩妝品牌嘅產品出售，價錢當然比香港專櫃更平啦～一次過揀多幾樣送俾媽媽就啱哂啦！

預計到港需時: 出庫後 4 至 6 天到香港

► Walgreens 各款保健品

人越大就會有越多身體機能開始退化，特別係關節問題尤其嚴重。想送禮物孝敬媽媽又想實用啲嘅，不妨揀啲保健品俾佢哋調理身體，識得未雨綢繆先可以遠離病痛。

預計到港需時: 出庫後 4 至 6 天到香港

► Samsonite 行李箱

想做孝子同阿媽去旅行，首先梗係要有個好嘅行李箱啦！如果喺去程就已經俾人整爛咗個喼，真係咩心情都無哂啦～所以買返個夠實淨、耐用嘅行李箱俾阿媽裝戰利品真係好重要！買返個新「喼～～～神」孝敬阿媽啦！

預計到港需時: 出庫後 4 至 6 天到香港

► 糖鼎養生黑糖茶磚

呢間「糖鼎」所推出嘅養生黑糖茶磚，以黑糖滋補身體，健康無負擔，可以快速補充營養之餘又可以調整新陳代謝，係女士們必備嘅養生恩物。「糖鼎」出產嘅黑糖茶磚使用台灣在地黑糖並且係純手工製造，不含任何化學成份，就連台灣各大雜誌、媒體都有推薦過架～

預計到港需時: 出庫後 2 至 4 天到香港

► Swarovski

水晶係高貴大方嘅象徵，有時比起閃石更加吸引，送俾媽媽一定可以討佢歡心～英國嘅 Swarovski 官網就有 Online Outlet，減價後好多首飾都只係幾十蚊英鎊，可以孝敬媽媽得嚟又唔會太傷荷包。

預計到港需時: 出庫後 4 至 6 天到香港

► 英國 Whittard

講起英國必買嘅手信，好多人都會推薦 Whittard 呢個英國著名嘅經典茶葉品牌。英國人對飲茶非常講究，即使係紅茶都有必好多種，更加有好多唔同嘅口味。佢哋推出咗好多唔同組合嘅套裝，有啲仲有埋曲奇，包裝又靚，用嚟送俾鍾意嘆茶嘅媽媽就啱哂～

預計到港需時: 出庫後 4 至 6 天到香港

► Tresemme 風筒

英國版 Tresemme 風筒同香港電壓一樣，亦都使用三腳插頭，絕對要網購先可以以咁抵價錢入到手架！Tresemme 2000W Fast Hair Dryer 擁有 2000W 風力，三種風速，即使係厚重嘅秀髮亦都可以極速吹乾，咁媽媽就唔洗晚晚都舉高手吹頭吹成半個鐘搞到手都痛埋啦～

預計到港需時: 出庫後 4 至 6 天到香港

► 充電式熱敷眼罩

媽媽平時鍾意拎住個電話玩 Candy Crush 玩到對眼又乾又腫？送返個充電式熱敷眼罩俾媽媽，等佢對眼舒服啲啦～呢個眼罩以 USB 充電，而且可以水洗，買咗返去全家一齊用都仲得！

預計到港需時: 出庫後 2 至 4 天到香港