【網購迷思】用 PayPal 付款都有慳錢小秘訣?

見到人地買到平嘢,但係自己就俾人 cut 單?其實海外網購除咗直接以信用卡 check out 之外都仲有幾種付款方式,今次就先講講最普遍嘅 PayPal,話埋俾大家知要留意邊個中伏位,一個唔小心就會俾貴咗架喇!


paypal-付款-安全-秘訣-慳錢


👉 註冊並完成驗證即時拎走 $20 運費狂掃海外產品👈
👉推薦朋友齊齊賺多 $30 運費👈


網購迷思 — 用 PayPal 付款都有慳錢小秘訣?

PayPal 係嚟自美國嘅網上第三方支付服務商,只需要以電郵地址作簡單登記後就可以用作網上付款,而且係免費註冊!外國大部分網店都接受經由 PayPal 付款,而使用 PayPal 付款相對亦較為安全,海外網店林林總總,亦有機會遇上安全性較低嘅網站,直接於網店輸入信用卡資料有機會被盜用,而經由 PayPal 付款則毋須將信用卡資料交俾任何網店,減低風險。

註冊 PayPal 帳號只需要簡單幾步,即刻跟住教學開戶,之後網購就方便得多啦~部分網店好似 adidas uk、Toms、Samsonite 等都只接受 PayPal 付款架咋!

註冊教學

Step 1:進入 PayPal 官網註冊

Step 2:選擇註冊為用作網上購物嘅個人用戶

Step 3:依照欄位輸入姓名、電郵地址、居住地址等個人資料


Step 4:輸入信用卡號碼、到期日、信用卡安全碼,然後確認帳單地址,最後點按連結信用卡之按鈕。

Step 5:最後登入電郵帳戶,確認電子郵件地址後便完成註冊程序,可以開始海外網購!


使用教學及慳錢小秘訣

完成註冊後就可以於各大網店選購心水貨品,只需要於 Check out 時揀選以 PayPal 付款,然後就會自動跳轉至 PayPal 頁面。

首先登入至你嘅 PayPal 帳戶。

填寫 Buyandship 倉庫地址為收件地址,揀選需要使用嘅信用卡。嚟到最重要一步!點按「查看兌換選項」

使用 PayPal 付款的話佢都會預設為以港市結算,而呢個係根據 PayPal 自己嘅匯率兌換得出嘅金額,一般嚟講 PayPal 嘅匯率都係比較貴架!

所以記得記得要揀返以網店當地貨幣結算,最後要支付嘅金額就會根據返銀行匯率結算。轉好貨幣繼續付款程序就完成架喇!

其實原理就同喺 Amazon 網購時應該揀返美金一樣!就係呢一個小秘訣可以幫你慳上加慳,海外網購得唔多唔少都係因為比起本地門市平,要慳當然慳到盡啦!睇完小秘訣即刻去各大網店掃貨啦!


延伸閱讀

【網購迷思】網店有直送點解仲要用轉運?:https://bit.ly/2VqNYUi

【網購迷思】於 Amazon 網購應使用美金定港幣結賬?:https://bit.ly/3eAOgzH

Buyandship 轉運流程相關常見問題:https://bit.ly/3ezwqwM

各地網店推介大合集:http://bit.ly/2MrL2n2


👉 Subscribe Buyandship Telegram Channel,跟 Buyandship 快閃慳住買🤩
👉 加入 Buyandship 網購著數交流區 Facebook Group,分享有關海外網購嘅大小事🤑