【網購迷思】「自動轉運」同「合併集運」應該點揀好？

啱啱接觸網購真係有好多嘢唔明，搞唔掂好想放棄？唔好呀，其實海外網購真係好簡單架咋！今次等小編再詳細講解吓好多人用 Buyandship 時都會遇到嘅迷思，究竟「自動轉運」同「合併集運」應該點揀呢？

Buyandship 轉運服務分為「自動轉運」同「合併集運」兩種模式，兩種方法都各有好處，用戶需要於申報貨件時就選定轉運模式。首先講一講，無論你選用邊一種轉運模式，所有已經海外入庫嘅貨件都係會自動安排出庫送往香港先架！

自動轉運

「自動轉運」所指嘅係，當貨件到達香港倉庫後就會自動運送至澳門自提點或安排送貨上門，到達自提點後就會收到可以取件嘅通知，中間唔需要再做任何嘢架喇～

「自動轉運」嘅貨件都會獨立計算運費，即係冇得加埋一齊湊數呀～但如果你有兩件「自動轉運」嘅貨件係同一批次出庫的話，系統亦會自動將兩件貨件生成同一張轉運單，收費按同批出庫貨件之「收費重量」總和計算。唔明？俾個例子你哋啦～

假設兩件貨件同樣為出庫批次 1，收費以兩件貨件嘅「收費重量」總和計算

假設貨件 A 為出庫批次 1，貨件 B 為出庫批次 2，兩件貨件嘅收費將獨立計算

由於貨件於海外入庫後就會自動安排出庫，亦即係話係唔可以揀選邊幾件貨以同一批次出庫，所以亦建議多於一件貨件而又想夾埋一次過計數嘅話都係揀返「合併集運」啦～

「自動轉運」嘅貨件因為係一到達香港倉庫，由倉庫同事處理後就會直接安排出貨至澳門，省卻上架落架，等候出貨指示嘅時間，所以比起「合併集運」會較快收到貨件！

合併集運

顧名思義「合併集運」就係可以將多件貨件合併，從 Buyandship 多個海外倉庫轉運返嚟嘅貨件可以合併為一張轉運單，運費可以加埋一齊計算！申報時只需選擇「合併集運」嘅轉運模式就可以喇，取件地點之後再揀！

當貨件送達香港後可免費儲存於香港倉庫 21 天，等你想提取時就可以合併唔多於 50 件貨件，並且送到澳門！

「合併集運」運費會按提取嘅貨件之「收費重量」總和計算：

貨件 A	貨件 B	貨件 C	重量	轉運費用
1.6 磅	1.4 磅	5.8 磅	1.6 磅 + 1.4 磅 + 5.8 磅 = 8.8 磅，總收費重量 = 9 磅	MOP$262

「合併集運」嘅貨件喺收到你合併嘅指示前係唔會出貨架～所以當貨件到達香港倉庫後記得要喺網站上操作，揀選所需合併嘅貨件及取件地點！我哋亦會有電郵通知你貨件已經到達香港倉庫，唔洗日日上嚟 Check 住架～

兩種轉運模式各有好處，一樣咁多人選擇～大家跟返自己需要去選擇就可以喇！

查看貨件最新狀況：會員中心 > 貨件申報管理

---

延伸閱讀

【網購迷思】網店有直送點解仲要用轉運？：https://bit.ly/2VqNYUi

【網購迷思】於 Amazon 網購應使用美金定港幣結賬？：https://bit.ly/3eAOgzH

Buyandship 轉運流程相關常見問題：https://bit.ly/3ezwqwM

各地網店推介大合集：http://bit.ly/2MrL2n2

---

👉 Subscribe Buyandship Telegram Channel，跟 Buyandship 快閃慳住買🤩
👉 加入 Buyandship 網購著數交流區 Facebook Group，分享有關海外網購嘅大小事🤑