對於唔少第一次接觸網購或者使用 Buyandship 轉運服務嘅朋友仔嚟講，喺過程中應該都遇上唔少疑難，或者對各個步驟都有唔清楚嘅地方，今次小編就集合多個較常見嘅問題，一次過為大家拆解 Buyandship 使用方法！
網購轉運新手懶人包！Buyandship 轉運流程相關常見問題
Q1：買完嘢要點做？
A1：當賣家發貨後會向你提供 Tracking no.，收到後請盡快於「會員中心＞貨件申報管理」申報貨件，所有於送達倉庫前未有申報嘅貨件都需要額外時間作處理。如果唔清楚由邊間速遞公司送貨的話，於申報時「派送到倉庫之快遞」一欄選擇「其他」即可。
Q2：我入錯咗貨件資料可以點更改？
A2：點按 Tracking no. 後即可於左下角選擇刪除該項申報，重新再輸入正確資料申報就可以喇。
Q3：我冇 Tracking no. 可以點樣申報？
A3：如果賣家冇提供貨件追蹤編號（Tracking no.），或貨件係以冇追蹤編號嘅方式寄出的話則暫時不用申報。如果你喺網購時所填寫嘅地址正確，並有喺收件人姓名上填上正確 User ID，當貨件到達倉庫後，我哋會經電郵發出「未申報貨件通知」，當中會顯示貨件嘅貨件追蹤編號（Tracking no.），收到相關電郵後請立即到「會員中心＞貨件申報管理」申報該貨件。若 30 日內仍未申報，該貨件將會當作棄件處理。
Q4：我已經申報咗，點解仲收到電郵話我有未申報貨件？
A4：如果你收到我哋嘅未申報通知而你喺呢段期間有網購的話，請先確定你所申報嘅係 Tracking no. 而非 Order no.。未申報通知係根據貨件上收件人一欄嘅 User ID 而發出，如果未申報通知中嘅 Tracking no. 同你所申報嘅唔一樣，有機會係賣家所提供嘅並非正確 Tracking no.，又或者係當地運輸係最後一程換上其他快遞公司，Tracking no. 就會同賣家所提供嘅有唔同，只需要根據未申報通知嘅號碼重新申報就可以。
如果你確定你或親友都冇使用你嘅帳戶喺海外網購任何貨品的話，亦可以通知我哋刪除相關未申報通知。
Q5：我件貨到咗海外倉，我都未集運就出咗庫嘅？
A6：所有海外入庫嘅貨件都會自動安排出庫送往香港，到達香港倉庫後再進行合併。貨件可於香港倉庫免費存放 21 日，請於 21 日內合併集運貨件。
登入後可於「會員中心 > 貨件申報管理」查看貨件最新狀況。
Q6：「自動轉運」同「合併集運」有咩分別？
A6：「自動轉運」嘅貨件喺到達香港後會根據你嘅選項直接運送至自提點或安排送貨，系統亦會自動扣減你帳戶中嘅 Buyandship 積分以抵消運費；「合併集運」嘅貨件到達香港倉庫後你將會收到電郵通知，你可以將多件貨件合併後運送至自提點或送貨上門。
Q7：我件貨去到「轉運單貨件」呢個位就顯示埋完成時間，但我仲未拎件點會係完成？
A7：貨件送到海外倉庫後會經歷「海外入庫」、「海外出庫」以及「香港倉庫」三個步驟，如果你申報時係選用「自動轉運」的話，當貨件送達「香港倉庫」後就會自動送往你所選嘅取件地點，所以唔會喺「香港倉庫」一欄出現並會直接出現於轉運單一頁。
而選用「合併集運」嘅貨件到達「香港倉庫」後係需要選擇取件方式及所選集運嘅貨件，集單後就會建立一張新嘅轉運單，貨件亦會轉去「轉運單貨件」一欄。之後要再追蹤貨件去向，就需要喺「轉運單」頁面查看。
Q8：我想用派送服務，點解揀唔到送貨地址？
A8：使用派送服務的話需要先喺「新增派送地址」一頁填寫你嘅收件地址，經由我哋驗證後先可以選用。留意填寫地址時請唔好填寫其他快遞公司自取點或便利店地址，因為呢啲地方係唔會有人代付運費㗎！我哋嘅派送服務無論住宅地址、工商地址以及地舗都係劃一收費，詳情可以睇返「運費計算」一頁。
Q9：戶口入面嘅積分喺邊一步用？取件時先扣分？
A9：「自動轉運」的話系統會自動扣減帳戶裡面嘅積分，而「合併集運」的話就需要喺合併貨件時填寫需要使用嘅積分，喺「使用積分」一欄填上積分數目即可，如果唔用積分亦需要填上「0」，否則係無法完成合併～記得要喺呢一步輸入呀，轉運單建立後就無法更改㗎喇！
Q10：點樣俾運費？可以用信用卡？
A10：支付運費方式視乎轉運模式及取件地點而定。如選擇自動轉運並於自提點取件或送貨上門，系統會自動扣減積分，如積分不足，餘額需於取件或派送時以現金支付；如選擇合併集運方可使用信用卡支付，建立轉運單時可先選擇以積分扣減運費，當轉運單完成檢查後再以信用卡支付餘額。
Q11：張轉運單顯示準備發貨，係咪可以去取件喇？
A11：準貨發貨嘅轉運單代表倉庫同事已經處理咗你嘅貨件，正等待或正送往相關取件地點，喺未收到提貨密碼前都係未可以取件㗎！當貨件可以提取時我哋會以電郵通知你，而喺轉運單一頁亦會顯示於「可以取貨／安排派送」欄中。
清楚哂成個流程？即刻拎海外倉庫地址掃貨👉 http://bit.ly/2E3fjBy