繼 StockX、Drop 以及 GLADD 之後，Buyandship 又再為各位會員帶嚟購物優惠！今次合作嘅商戶為 Pinkoi，佢哋集合台灣、日本、泰國、香港等地嘅設計師，俾佢哋喺 Pinkoi 嘅平台上出售各款自家設計及製作嘅產品。無論你想買文創商品、手作小物、小眾品牌等產品都一樣可以喺 Pinkoi 選購。
今次 Buyandship 就為各位帶來 Pinkoi 購物優惠！所有已驗證嘅 Buyandship 會員都有份架～即刻 Check 吓你嘅 e-mail 睇吓有冇收到，如果冇的話可以按網頁右下角嘅橙色圓形按鈕，同我哋 CS 查詢～我哋亦準備咗 Pinkoi 網購教學俾大家，跟住買絕對冇難度。
Pinkoi 官網：http://bit.ly/2Zfoski
文青最愛 Pinkoi 網購教學 不免運就搵Buyandship啦！
首先進入 Pinkoi 官網並登記成為會員，可以直接連結至你嘅 Facebook/ Twitter / Line 帳號作登記。
亦可點按「立即註冊新帳戶」並以電郵地址註冊。
特別主題企劃
Pinkoi 每隔一段時間都會推出新嘅主題企劃，好似而家就以聖誕作主題，再細分為不同類別，揀選禮品時就更加方便啦～
挑選心水產品
購買方法其實非常簡單，睇啱邊件就 Click 入去，揀好數量及尺碼就可以點按「加入購物車」。
比較不同運送方式之收費
Pinkoi 大部分貨件都有直送澳門服務，部分甚至提供免運優惠。而如果冇免運的話，就可以對比一下用官方直送抵啲定係經 Buyandship 轉運比較抵喇～就以呢個泰國手袋為例，直送澳門運費需要 HK$77.9，而送到泰國地址即免運費，Buyandship 泰國轉運服務為首磅 MOP$38，續磅 MOP$28。
選購不同地區嘅非免運產品應分開訂單購買
仲有一個小貼士要話俾大家知，如果你打算購買多於一個地區嘅設計師商品，這又不設免運的話，最好分返開唔同嘅訂單購買，因為每次落單都只可以填寫一個收件地址，假設你同時購買日本及泰國商品而又填寫咗 Buyandship 日本倉庫地址的話，咁就要收取一程由泰國寄至日本嘅運費架喇～
選擇運送方式
揀好哂就可以進入購物車結帳，如果你揀選多於一頁商品的話，記得要先剔選你想要結算嘅商品，並且揀選收件地以及運送方式
輸入優惠碼
然後就可以點按「使用優惠券、積分或禮物卡」，於「使用優惠券」一欄輸入 Buyandship 經電郵送俾你哋嘅獨家優惠碼～打好後按「加入」就完成喇～
填寫收件地址並付款
如選擇由 Buyandship 代運的話，收件資訊一欄只需要根據「海外倉庫地址」去填寫就可以喇～記得要填上你嘅 user id，否則就分辨唔到貨件係屬於邊個架喇～然後進行付款就 ok 喇！一般而言以信用卡 Check Out 即可，收到 Tracking no. 記得上嚟申報呀～
*價錢或會因供求而調整，一切以網站為準。
