最強天書.Black Friday 網購轉運攻略

喺 Thanksgiving、Black Friday 同 Cyber Monday 期間,網購絕對係分秒必爭!預先喺各個購物網站填寫好我哋嘅倉庫地址,checkout 時就可以更快人一步啦~除此之外,其實網購完申報貨件都係重要一步,絕對會影響你嘅貨件到港日期~你知啦,網購完梗係想快啲收到戰利品㗎嘛,所以今次小編就準備咗呢以下幾個注意事項,熟讀攻略就包唔會出錯!

Black Friday 轉運攻略
 

Black Friday 網購轉運攻略

1. 填地址格式問題

如果喺網購時填地址出現 error 訊息或付款後出現 cut 單情況,地址一欄可嘗試以另一格式喺 Address Line 1 輸入 13822, Northeast Airport Way,咁就有機會成功買到。而專屬嘅 MO 會員編號請填寫於姓名一欄,填寫於地址欄的話可能會影響派送。而漏填會員編號的話則會影響入庫,甚至會分辨唔到份貨件係屬於邊個架!所以網購時謹記要填妥所有資料呀!

Buyandship 美國倉庫亦於今年 6 月份搬遷至更大嘅地方,所以地址係有更改過架!無論你上一次網購係幾時都好,俾錢前記得要核對你嘅收件地址及 zip code 同「海外倉庫地址」一頁所顯示嘅係咪一樣喇!

2. 付款方式及 Billing Address 問題

網購梗係要準備信用卡啦,唔少網店只接受 Paypal 作為付款方式,所以申請定就有兩手準備喇!而使用倉庫地址為 Billing Address 時,姓名請使用真名(不含 MO 為首嘅用戶名稱);當使用倉庫地址為 Billing Address 而付款失敗時,可以試試使用你本身真正地址。

3. 申報問題

由於預計 Black Friday 貨量會以幾何級數倍增,所以有機會係收件當天無辦法全部處理好,要第二日先可以安排入庫。同埋,如果貨件無係到達倉庫前申報,倉庫同事都有機會唔處理住,唔會即刻發出未申報貨件通知俾你,而係會等多幾日先拎番出黎重新處理。因為我地會優先處理準時申報嘅貨件。所以大家記得一收到 tracking number 好即刻申報啦!

係 Black Friday 高峰期期間,預期出庫同埋空運時間都會無可避免咁受到影響,一般而言貨件入庫後需要 1-3 個工作天先出庫。另外,由於喺呢段時間期間嘅貨運量大增,如果遇上航班延誤或等候機位既情況之下,貨件有機會需要額外 2-4 日先可以到達香港倉庫。

4. 貨件尺寸限制

喺呢段購物旺季期間,記得唔可以轉運長/闊/高任何一邊超過 80cm 嘅美國貨件啊,否則貨件會運唔到返嚟㗎。

提提你:通常係辦公時間之內,我哋會盡力喺 5-10 分鐘之內解答你嘅問題,不過由於 Thanksgiving / Black Friday / Cyber Monday 期間會比平時更多查詢,所以有機會需要1小時先可以有同事幫到大家(非辦公時間可能要更長時間),希望各位客官高抬貴手,耐心等候。


延伸閱讀:

👉 最強天書.Black Friday 必讀攻略
👉 12 月及 1 月轉運特別安排