【網購懶人包】2019下半年!海外網購平台10大折扣節日

召喚網購族!好多人鍾意網購都因為價錢夠哂平,今次小編就教你睇準時機出手!唔少海外網店都會趁大節日推折扣優惠,連埋 Buyandship 運費分分鐘比香港買平一半!


10大折扣節日

美國獨立日(Independence Day)

儲彈藥指數:★★★★☆

7月4日,亦都係美國最重要嘅節日。唔少網店嘅優惠都會拍得住Black Friday。好似2018年,SuperDry官網就做緊5折!

喂大佬,一件Superdry外套落專門店買要千幾蚊,但平時上美國官網網購,就算加埋Buyandship運費都隨時平$400。如果做埋5折,分分鐘比門市平一半,你都咪話唔心動!


亞馬遜會員日(Amazon Prime Day)

儲彈藥指數:★★★☆☆

Amazon Prime今年就擇日7月15日,唔少Amazon嘅自家品牌都會有大型折扣,好似Echo,Kindle或Fire TV等等。

由上年開始,Amazon優惠會維持48小時,不過提提大家,因為要跟返時區,部份Amazon嘅網購平台,好似Amazon Australia同Amazon Japan有機會會提早開始,有心水嘅朋友記得校定鬧鐘啦!


勞動節(Labor Day)

儲彈藥指數:★★★★☆

9月2日,亦係美國嘅勞動節,唔少美國網店都視呢日為Black Friday嘅前哨戰,所以推出嘅折扣亦非常吸引,最岩就係買轉季用嘅產品!

留意返,唔同網店推出優惠時間可能都唔同,唔想下下睇實咁麻煩,就可以留意Buyandship每次嘅報導!


哥倫布日(Columbus Day)

儲彈藥指數:★★★☆☆

10月12日,係哥倫布登陸美洲嘅日子。唔少網購平台又會趁機減價,不過折扣就每個平台唔同。好似Shoes.com就曾經做過25折,但Superdry同TOMS就遜色少少,得8折。

不過適逢係美國嘅旅遊季,所以戶外品牌嘅折扣會比較大,鍾意戶外活動嘅朋友就要留意喇!


雙11

儲彈藥指數:★★★★★

自從淘寶出咗雙11,唔少海外網店都想分一杯羹。好似上年咁,台灣嘅網購平台,包括:PCHome、MOMO購物網、蝦皮、生活市集同誠品,都有唔同大小嘅優惠活動。

佢哋除咗大派$1,111(唔好誤會,係台幣)嘅優惠券,仲有超勁嘅1折優惠。

同日係美國亦係退伍軍人節,折扣亦非常吸引。所以話唔洗去淘寶,唔洗去深水埗,最緊要都係識上網尋寶。



Click Frenzy Go Wild

儲彈藥指數:★★★★★

Click Frenzy Go Wild今年就擇日11月12日,佢係澳洲一個大型嘅網購優惠平台,每年都會舉辦優惠活動,堪稱澳洲版嘅雙11!前年只係4蚊澳紙(=21蚊港紙)就買到一部PS4,震憾程度分分鐘將雙11比下去!

不過要留意,想搶到最平嘅產品,就記得要先登記做會員,暫時費用仲係全免!


Black Friday & Cyber Monday

儲彈藥指數:★★★★★

每年緊接住感恩節,都係唔少網購族大出血嘅時間 – 冇錯就係11月29日嘅Black Friday,不過其實唔少網購平台係11月頭,已經會推出Early Bird優惠,可以話成個11月都係出血期。

好似小編最愛嘅Walmart分分鐘有3折優惠,Walmart雖然只提供美國送貨,不過用埋Buyandship嘅集運服務就冇問題啦!


雙12

儲彈藥指數:★★★★☆

雙12以前也是淘寶的最大折扣日,這幾年各大網購平台如ZALORA、Gmarket、日本樂天都會喺呢日推出優惠,不過折扣一般比雙11弱少少,如果搭配埋一般信用卡優惠,可能又唔同講法。


Free Shipping Day

儲彈藥指數:★★★☆☆

12月14日,超過1,000間美國網店會提供免費送貨(不過一般都只限國內),呢幾年仲要冇最低消費限制,即係買幾多都可以免費送去我哋美國倉!喺 Buyandship 登記做會員就可以拎走最新美國貨倉地址。(當然仲有其他國家嘅貨倉喇)

呢幾年Cater’s, Reebok, Under Armour, TOMS, Forever 21, Overstock等等都係參加商戶之一,岩哂想趁機大手入貨又想慳吓運費嘅朋友仔。


聖誕節(Christmas Day)

儲彈藥指數:★★★★☆

你以為你個荷包可以回氣?唔好唔記得仲有聖誕節!佢嘅折扣一般同Black Friday差唔多,Black Friday搶唔切嘅朋友就要把握機會喇!

上年Bath & Body Works就有買3送3優惠,連日本樂天大派優惠券。


每逢呢啲大節日,就要預咗運送時間會比較長。不過Buyandship嘅運仔團隊知道大家心急,所以都會瞓哂身幫大家執貨,務求盡快幫大家將件貨送到手。