澳洲買甚麼?10 大澳洲必買產品推介

Buyandship 澳洲轉運正式上線喇!有買開澳洲保健品嘅你哋終於唔洗再捱門市貴價,因為網購真係平好多呀!比較少接觸澳洲產品嘅你唔知有咩好買有咩抵買有咩值得買?唔緊要,小編為大家整理 10 大澳洲必買產品,除咗保健品、服裝飾品之外仲有食品推介,就連寵物用品都搵埋,實行齊齊買盡 Australia!


*以下價格以小編撰稿當日計算,只供參考


1. Swisse 保健品

如果你有睇電視的話,相信都應該有睇過 Swisse 嘅電視廣告,可以話係澳洲名物添呀!而咁多款產品當中,女性多元維他命係佢哋皇牌產品,一粒就包含維他命 B 群、維他命 C 及鐵,補充女性所需營養。而平時較多應酬或者有飲酒習慣的話亦可以選擇佢哋嘅護肝排毒片,提升對肝臟嘅保護。而價錢方面網購價等於門市價錢 45 折,當然係網購最抵啦!

於 Chemist Warehouse 選購:http://bit.ly/2FW3K0C

2. Blackmores 保健品


除咗 Swisse,Blackmores 都同樣係澳洲出哂名嘅保健品品牌呀~當中月見草油以及孕婦黃金營養素係皇牌產品,喺澳洲幾間大型藥房嘅價錢都比起澳門門市平一半以上,慳返嘅錢夠買多幾樽呀~如果屋企有養寵物的話,亦可以睇睇 Blackmores PAW 寵物用品以及保健品系列,由於喺香港澳門都冇零售嘅關係,一般寵物店都賣得好貴,買嘢俾自己保健嘅同時記得買埋俾主子喇!

於 Chemist Warehouse 選購:http://bit.ly/2ULEkMv

3. Sukin 天然護膚品

Sukin 係澳洲本土嘅護膚品牌,100% 採用天然有機材料製造,絕對可以放心使用。眾多產品當中以玫瑰果油系列最出名,有效促進肌膚再生,令皮膚保持明亮。價錢方面比起其他品牌嘅玫瑰果油產品較平,經濟實惠亦係佢受歡迎嘅原因之一!25ml 天然有機認證玫瑰果油網購價只係 AUD$11.97 ≈ MOP$66.7,等於門市價錢嘅 28 折架!

於 Chemist Warehouse 選購:http://bit.ly/2WS1371

4. Oroton 手袋

女士們留意!澳洲都一樣有靚袋買呀~就連王妃都有揹過架!呢個就係澳洲本土品牌 Oroton,價錢比起其他被加持嘅品牌都較為親民,做優惠時更加可以用半價價錢就買得到!而且澳門冇分店,想買就梗係網購啦!

Oroton 官網:http://bit.ly/2D0Cpd2

5. Colette 手袋及飾品

想搵價格更親民更抵買嘅手袋的話,Colette 絕對係最佳選擇!產品款式較多變化,種類亦夠哂多,啱哂鍾意買多幾個唔同袋款用嚟襯吓衫嘅女士們~而價錢方面絕對夠抵,clutch、鏈包等都係熱賣產品,係澳洲非常受歡迎嘅品牌嚟架~

Colette 官網:http://bit.ly/2D35412

6. Crumpler 澳洲小野人

買袋當然唔係女士專利啦,呢個 Crumpler 澳洲小野人品牌其實係源自於品牌創辦人為了自身需要而製作出耐用嘅「郵差袋」,而家已經成為集設計及功能性於一身嘅熱門旅行袋品牌。既然係澳洲品牌,當然喺當地官網買先最多款最抵買啦,佢哋除咗相機袋之外亦有休閒款式嘅斜揹袋、Phone Case 等多款產品出售。

Crumpler 官網:http://bit.ly/2ImCB9N

7. UGG 毛毛 Boots

呢個牌子相信都唔洗多講,一提起毛毛 Boots 都一定會諗起呢個品牌,佢哋正正就係來自澳洲嘅本土牌子。其實佢哋除咗 Boots 款之外亦有拖鞋、平底鞋、涼鞋等款式,想要更多款式當然係上返澳洲官網!

UGG 官網:http://bit.ly/2G4tvvP

8. T2 茶葉

英國有 Fortnum & Mason,澳洲都有 T2 茶葉!佢係澳洲最大型嘅連鎖茶葉店,茶品種類繁多,而且包裝充滿特色,飲茶都可以好有型呀!佢哋嘅禮盒裝用嚟送禮就夠哂得體添,唔少人去澳洲都會買嚟做手信,而家網購都買到呀!

T2 官網:http://bit.ly/2Z1eG5B

9. Boobie Bikkies 催乳曲奇

而家唔少媽媽為咗小朋友健康著想都會選擇餵哺母乳,能唔能夠維持奶量就成為佢哋最著緊嘅問題。澳洲呢款人氣催乳曲奇 Boobie Bikkies 採用有機食材,成份天然且不含防腐或添加劑,媽媽可以放心食用。而呢款曲奇無論喺當地定係香港澳門都已經被好多媽媽追捧,並指催乳效果顯著,當係零食亦一樣冇問題!

Boobie Bikkies 官網:http://bit.ly/2P0LA1V

10. Mecca 彩妝店

Mecca 係澳洲本地大型連鎖彩妝店,如果你同小編一樣都好鍾意買唇膏買 palette 的話,咁就一定要認識 Mecca!佢哋同 Sephora 非常相近,除咗有多個國際品牌以及澳洲本土品牌嘅化妝品之外,亦有自家品牌 Mecca Max,之前出嘅雲石紋彩妝盤以及 Pout Pop Lipstick 都非常受歡迎,女士們小心買到停唔到手呀~

Mecca 官網:http://bit.ly/2OZRBM4