即將踏入新一年，當然唔少得買福袋呢個指定動作啦！唔駛飛去日本同人迫，喺屋企上網一樣買到！唔少日本知名品牌都有推出福袋，平均幾千円就有五、六件 items，不論服飾、家品、玩具等等都有，宜家預訂就過年時有新衫新鞋著喇。即刻睇睇小編為你哋準備嘅 2019 日本福袋特輯！提提大家，福袋內容一般都係隨機發放，圖片款式只供參考！
有多個日牌你都好鍾意，想一次過買哂咁多個福袋？咁就要上 Magaseek 睇睇喇，佢哋有多款福袋可供預訂，包括 Nano Universe、Afternoon Tea Living、Snidel 等等，無論男裝女裝童裝都一樣有，想買福袋嘅朋友仔記得 Mark 實喇！
日本 Babydoll 呢個童裝品牌平時已經係好多家長嘅心水品牌，佢哋推出嘅福袋又點可以錯過呢～￥5,400（約 HK$371）嘅福袋入面有價值 ￥14,500（約 MOP$997）嘅貨品，包括一件外套、兩件上衣、兩條褲/裙以及環保袋一個！就算唔計個環保袋入面都有五個 items，每件平均都只係 ￥1,080（約 MOP$74）！
去過原宿嘅你地基本上係必入店舖，連各大國際品牌都經常會同佢地 Crossover 嘅 Atmos Tokyo，旗下副線 Atmos Pink 推出 2019 Happy Bag，仲一共推出三個價位，分包係 5千円、1萬円、1萬5千円。以 5千円福袋為例，內裡產品總值已經超過 1萬5千円，產品都有成 5件咁多！
Disney 都出福袋！呢款只係 3千円，即大約二百蚊左右，就已經有一隻公仔、一個 tote bag、一隻水杯以及一堆隨機小物，產品總值接近成一萬円！
喺日本樂天同樣可以搵到唔同日牌推出嘅福袋，無論係女裝、男裝甚至童裝都有！Dazzlin、earth music & ecology、JANSPORT 等都有！買哂俾一家大細都冇問題啦～
呢個女裝日牌平時都已經夠哂抵，福袋當然更平啦！今年推出兩款福袋，包括 ¥5,400（約 MOP$373）七件產品以及 ¥12,960（約 MOP$895）十一件產品兩款，而網站上亦有稍稍透露到福袋入面嘅服裝款式，咁就唔怕會買中伏袋啦～
唔係淨係服裝先有福袋架，家品雜貨都一樣有呀～唔少人去日本旅行都好鍾意行嘅 Afternoon Tea LIVING 今年亦有推出福袋，鍾意買呢類家居小品嘅朋友仔千祈唔好錯過喇～
今年 F.O. Kids 都一樣有推出福袋，¥7,560（約 MOP$524）內含 5 樣商品！平時買條褲仔都要 ¥2,000 以上，今次福袋絕對抵呀！
呢個 Hello Kitty 2019 Kids 豪華福袋真係超豪華，而且仲包羅萬有，5,400 円就已經有 8樣 items，有背囊、外套、上衣、長褲、襪子等，有不同尺碼適合 80－130cm 高嘅小朋友！買個俾囡囡做 2019 新一年禮物就開心啦。
Belle Maison 出嘅 Disney 產品有幾靚相信大家都知，而家佢哋仲推出咗福袋！福袋入面共有 5 樣產品，價值係 ￥12,000，而福袋售價就只係 ¥5,400（約 MOP$374），即係仲平過半價呀！
男士們想買福袋的話可以考慮吓 nano･universe，佢哋嘅福袋每年都喺銷量榜佔一席位，質素同抵買程度都有保證！¥15,000（約 MOP$1036）就可以買到四樣產品，包括兩件外套以及兩件上衣，絕對唔係求其俾條皮帶就當一件架！即買！
本身呢個品牌已經性價比極高，今次福袋仲係 10,800 円有 5件服飾，包括 padding jacket、fleece jacket、sweater、上衣同長褲等，單講一件 padding jacket‥‥平時喺香港買都至少 5、6百蚊！今次 10,800 円（約 7百蚊左右）就買齊全身新衫，抵到呢！
有喺日本買開波衫嘅朋友一定識 Football－Max，無論日本 J－League、英超、西甲嘅周邊產品都有，今次仲加入福袋戰團，推出唔同球會嘅福袋，萬五円就已經有三件產品，仲保證其中一件係 18/19 年球會嘅波衫（正價一件都係成萬二円㗎，絕對超值）！
絕對係每位靚太都需要買返一套嘅 Le Creuset 2019 福袋！入手價只係 10,800 円，即係大約 7百蚊左右，已經有一個水煲同兩件餐具，總共 3個 items，款式同顏色都係隨機發放。比較返官網定價，平時一個水煲都要一萬円以上、餐具都要只少三四千円。
Craftholic 一向都有唔少支持者，平時買一隻唔平架，而家有福袋當然就抵好多啦！今年福袋有分三款，最大一款內含七樣商品，價值 12,700円，售價只係 5,400円（約 HK$372）！抵呀！
喺日本贏盡口碑嘅寵物品牌 iDog 都有推出狗狗福袋，有 3,000 円至 8,000 円幾個價位，仲好貼心咁分埋男仔或女仔 style，亦有不同尺寸選擇。最平嘅 3,000 円福袋入面有啲咩？已經包含 1件外套、1張床墊同 2件衫，相當於原價嘅半價！