Black Friday 小編推介 – 爹哋媽咪篇

各位爸爸媽媽~

2018 就快完結,今年同樣辛苦你哋喇~要養大一個小朋友真係一啲都唔容易,由佢哋出生前就已經開始為佢哋籌備各種事項,真係少啲心血都唔得呀!我哋當然都知道家長們嘅辛酸啦,每樣嘢都係錢,好多時都要就住就住洗,不過而家科技發達,網購就可以幫你哋解決好多生活上嘅煩惱,最重要係網購比起門市平,咁就唔洗驚用多咗錢啦!仲未體驗過網購樂趣嘅家長們,一於趁著今年 Black Friday 向網購出發!

無論係想幫小朋友買定新衫過新年,定係想買份聖誕禮物送俾佢哋都一樣可以網購,小編已經為各位爸爸媽媽準備好各種推介,幫你哋慳返更多時間去掃平貨~

想買衫仔俾小朋友首選就當然係又平又好著嘅 Carter’s 啦,款式夠哂多之餘仲要夠哂平!相信家長們都一定有聽過唔好買咁多衫俾小朋友,因為佢哋真係大得好快,買完過一排就唔啱著咁就好嘥錢嘛~不過總要有多幾件替換架嘛,所以上 Carter’s 買就真係啱哂啦,US$5 (MOP$39) 就買到件 Bodysuit,抵!

如果覺得 Carter’s 啲款唔啱心水,咁就可以睇吓 Hanna Andersson,佢哋價錢上雖然貴啲,但就真係一分錢一分貨,絕對唔會洗兩洗就已經鬆哂,俾得小朋友著嘅當然都要有返啲質素先得架嘛~不過既然係 Black Friday,平時較貴嘅舖頭都一樣會減減減!之前就曾經做過低至 25 折優惠,所以家長們真係要睇準時機入貨呀!

想幫小朋友打造返個型仔靚女 Look?一於睇睇 Ralph Lauren 啦!佢哋嘅 Polo Shirt 相信大家都識,其實佢哋仲有出童裝添架!而且喺美國官網買真係平好多,往年就有減價貨品額外六折優惠,買件童裝 T-shirt 都只係需要 US$4.89(約 MOP$38),想平著名牌就要留意喇~

想買定聖誕禮物送俾小朋友?咁又點少得 Disney Store 呢~Disney 嘅卡通人物咁得意,莫講過小朋友啦就連大人都一樣咁鍾意呀~上年 Black Friday 就有半價優惠,買吓精品毛公仔俾小朋友做聖誕禮物佢哋一定會好開心!

小朋友就嚟出世想買定啲嬰兒用品?咁 Albee Baby 就啱哂啦~佢有齊多個人氣嬰兒用品品牌,無論係買 BB 車定係 Carseat 或者床仔都可以喺呢度搵到!之前嘅超抵買優惠就有 Maclaren Mark II Stroller ,香港賣緊 HK$2100 幾而網購價只係 US$129.99(約 MOP$1020)!平一半有多,想以最抵價買到就要喺 Black Friday 期間睇實啦~

仲有其他嬰兒用品想買?睇埋英國嘅 Mothercare 有冇嘢啱心水啦!雖然 Black Friday 喺美國折扣日,但有唔少英國網店都會喺呢段期間推出折扣架~呢個品牌雖然喺澳門都買到,但當然點都係網購平好多啦!以往就有做過低至半價優惠,最平只需要 £2.00(約 MOP$21)就買到件衫仔,夠哂抵啦~