Black Friday 小編推介 – 姊妹篇

各位親愛嘅姊妹:

漸入寒冬,又時候摷返啲冬天衫出嚟著,鍾意 mix&match 同買極都覺得自己無衫著嘅你,又點會甘心就咁停手呢!怕淘寶會中伏,又睇唔明日文韓文網店?不如試試喺美國網購吖~嚟緊一年一度嘅 Black Friday 瘋狂勁減又殺到!無論係時裝、手袋,定係鐘錶首飾,歐英品牌一律大減價,價錢分分鐘低到想像唔到啊!各位 sis 準備好未?小編誠意準備咗幾間人氣歐美網店,價錢抵之餘起碼係個國際牌子,好過淘高仿手袋!Tag 埋班閨蜜一齊入嚟睇啦~

美國 Kate Spade 絕對係入門級嘅名牌,啱晒無乜筆直而又想買名牌嘅女士們~無論係銀包、飾物,定係手袋,過往 Black Friday 歷史優惠可以低至 25 折,即係成 75% off 啊!只要 US$49 (MOP$383) 就可以買到原價 US$149 (MOP$1164) 嘅 Kate Spade 長型銀包,真係抵到你唔信啊!無諗過幾百蚊就可以買到個得體嘅銀包~

至於買衫~唔少 OL 都鍾意去 J.Crew 添置下返工 suit 或返工裙,佢哋主打行 smart causal 路線,非常適合作為返工服飾。雖然話就話有專門店,不過講到抵買又點及網購呢?美國官網可以做到半價咁抵,即係買兩件先等於喺澳門買一件,咁平真係要果斷大手入貨啦!

講起靚鞋,又點少得美國名牌 Tory Burch。Tory Burch 原來係幾日前已經靜雞雞推出 6 折優惠啦!雖然經典平底鞋款無大減價,但勝在斗零踭同手袋有減價,大概 US$150 (MOP$1171) 就有一對,比原價平咗成 US$100 咁多啊!

如果想再掃多啲名牌,咁就要 bookmark 住 6PM 呢個大型名牌 Outlet 喇,曾經可以做到低至三折再九折,牌子包括 POLO、Tommy Hilfiger、Calvin Klein、Michael Kors、DKNY、Ted Baker 等等總共超過過百個歐美品牌,分分鐘幾十蚊美金都有個名牌 items,唔上去望下真係對唔住自己。

就算有拖拍定無拖拍嘅你,都要時不時買啲野獎勵下自己~一於就趁住呢個 Black Friday 買返幾個名牌包包啦,同自己講聲:「今年辛苦晒」!