美英日 Black Friday/Cyber Monday 數碼家電網店推介

除咗衫褲鞋襪、美容同保健品有減價之外,唔少小家電產品、電腦、相機同 Gadgets 等等數碼用品都會喺 Black Friday 同 Cyber Monday 期間大平賣!想知有乜嘢抵買同可以去邊度買?即睇推介!


Amazon

小編無講笑亦唔係交行貨比各位,要買數碼家電產品嘅話其實 Amazon 真係方便易搵又夠平!好似 PS VR 咁行貨多數賣緊大約 $2,200 至 $2,300 左右,而家上 Amazon 買嘅話大約係 78 折之餘,Black Friday 同 Cyber Monday 期間分分鐘會再平一截!另外行貨閒閒地賣成千蚊嘅 Nespresso 咖啡機係 Amazon 平均係行貨價嘅 6 折,係 6 折啊!都係嗰句,Black Friday 同 Cyber Monday 期間仲有可能再平啲㖭!

Dyson

由於行貨定價一般較外國高嘅關係唔少人都會襯海外網店減價時大手入貨。留意返喺上年嘅 Black Friday 期間佢哋就做過最多減 US$300 嘅優惠,絕對抵買!

Bose

係耳機市場入面,BOSE 都可以算係數一數二嘅名牌,喺上年嘅黑色星期五期間有低至半價優惠,計返差唔多平過本地官方價錢一半!

B&H

B&H 呢個網真係男士天堂,無論係相機配件定係電腦配件都可以喺呢度搵到!上年 Black Friday 就出過優惠套裝,最多可以慳到 US$400 架!唔睇實佢又點得呢!

Woot!

美國 Woot! 係一個知名每日特賣場,由美國 Amazon 集團收購,所以購買流程都極度方便,仲可以用 Amazon 帳戶登入就買到。呢個網仲有機會不定時推出 “Factory Reconditioned" ,即係曾經有顧客打開過包裝以及退貨至賣家,由賣家重新再包裝同檢查,保證功能達至出廠標準再出售嘅產品。價錢分分鐘係原價打個五折,超抵!