【轉運 4.0】美英日 Thanksgiving / Black Friday / Cyber Monday 取件篇

完成晒網購同申報貨件嘅兩步,其實緊接住仲有兩個步驟都同樣重要,就係集單同取件喇!我哋現時提供逸豪坊自提點俾你取件,唔駛日曬雨淋排街站取件!不過我哋亦有幾個重要事項要提提大家,等你可以更快一步順利取件!

1. 自動轉運 vs 合併集運
由於預期大量貨件將會淹沒我哋嘅倉庫(甚至可能包括小編張檯都要用嚟擺貨),所以我哋處理合併集運單嘅所需時間都會比平時稍為延長,敬請各位多多包涵~所以如果你急住想盡快取件,我哋強烈建議你選用自動轉運喇!

2. 取件地點的選擇
如果你嘅貨件係打算用嚟送俾人做聖誕禮物,小編誠意推薦你選用逸豪坊自提點取貨,咁樣會比選用送貨更快拎到貨㗎。

提提你:通常係辦公時間之內,我哋會盡力喺 5-10 分鐘之內解答你嘅問題,不過由於 Thanksgiving / Black Friday / Cyber Monday 期間會比平時更多查詢,所以有機會需要 1小時先可以有同事幫到大家(非辦公時間可能要更長時間),希望各位客官高抬貴手,耐心等候。