唔識韓文都買到!韓國 10 大產品推介~內附網購 11st 詳盡教學!

韓國除咗多 Oppa 之外,其實都仲有好多嘢好出名,Shopping 除咗有韓妝同朱古力批之外亦有好多荀貨,今次小編就為大家搜羅十大韓國產品推介,等大家再次認識韓國有幾好買!特別係家長們一定要 Bookmark 呢頁呀,因為韓國嘅嬰兒用品真係又好用又抵買架!而且唔識韓文都一樣網購無難度!


1. Cherrykoko 女裝

相信唔少女生都認識 Cherrykoko 呢個韓國女裝品牌,佢哋嘅要充滿韓國風格又有,小清新風格亦有,好多女仔隔一排就會上去入新貨架喇~雖然品牌設有官網網店,不過以美金計算,價錢比起喺 11st 買貴成百幾蚊都有架!要買得夠抵當然係上去 11st 揀啦~就以上圖呢款碎花雪紡襯衫為例,官網售價為 US$42.92(約 $336),11st 上售價只係 ₩35,000(約 $242),而且 11st 仲不時有優惠券可以用,計落又再平啲架喇~

立即選購:http://bit.ly/2GHRHEn

2. Sappun 女鞋

由 Online Shop 起家嘅 Sappun 而家已經喺首爾有幾間實體店,更加係韓國女生們最愛嘅平價鞋舖,佢哋每季都會推出大量新款,而且大部分款式都有多種顏色可以選擇,滿足哂唔同人嘅喜好!唔洗羨慕架,網購一樣買到~夏天當然要買返幾對涼鞋款襯吓衫啦,價錢又咁抵,即刻上去睇睇!

立即選購:http://bit.ly/2XS5tLE

3. Thermos Foogo 兒童學習杯

Thermos Foogo 兒童學習杯喺杯身兩邊都有手柄,等小朋友可以學習自己拎住飲水,培養佢哋多喝水嘅健康習慣~雖然香港 Thermos 都有推出兒童學習杯,但係款式同韓國相比之下就少好多,唔揀返個夠靚嘅杯又點吸引到小朋友去用先得架~

立即選購:http://bit.ly/2VyVa1u

4. Kanu 即沖咖啡

呢款 Kanu 咖啡可以話係明星商品,由孔劉大叔代言,喺韓劇裡面都有出現過架~小編自己就鍾意買佢哋嘅 Americano,夠哂香濃,而且無加入糖及奶精咁就飲得更健康!如果都係鍾意 Latte 口味的話,可以選擇 Double Shot latte!比起一般 Latte 更重咖啡香味架~

立即選購:http://bit.ly/2L71yJd

5. 各款嬰兒零食

喺唔少百貨公司嘅嬰兒用品部都會見到韓國出品嘅嬰兒零食,不過款式當然唔夠網購多啦~喺 11st 就有多種選擇,好似米餅零食、乳酪餅、穀物棒、果泥等等,既可以補充小朋友所需營養,又可以俾佢哋有更多零食選擇,媽媽們點可以錯過呢~

立即選購:http://bit.ly/2IOE1uF

6. Pognae No.5 三合一嬰兒揹帶

韓國嘅 Pognae 揹帶可以話係媽媽界嘅名牌,好多媽媽都係親身試用完再向大家推薦架!呢款 No.5 三合一嬰兒揹帶可以做到前背、後背以及作為坐墊使用,由初生用到 36 個月都冇問題,絕對抵返哂!

立即選購:http://bit.ly/2DAbtks

7. Memebox 彩妝品

Memebox 集結多個熱門韓妝品牌,包括自家品牌 I’m Meme、Pony 大神嘅 PONY EFFECT、bonvivant 等等,好多韓國美妝 Blogger 以及 Youtuber 都有推薦佢哋嘅產品架~想緊跟最新嘅韓妝潮流,網購就得啦!

立即選購:http://bit.ly/2UH073P

8. 柴犬 Shiro & Maro

柴柴可能係世界上最得意嘅狗狗!韓國本土出品嘅柴犬插畫 Shiro & Maro 喺當地紅到開 Pop-Up Store 賣佢哋嘅精品,未有時間飛韓國但又鍾情於柴柴?上 11st 一樣買得到,各款得意 Phone Case 絕對係必買之選!

立即選購:http://bit.ly/2Wcdb2T

9. 各類煮食用具

韓國其實都有出產唔少煮食用具,前幾年紅極一時嘅玫瑰鍋就係韓國出品!而呢啲煮食用具其實真係可以好平,特別係平底鍋,唔洗 100 蚊就買到隻唔痴底嘅煎 Pan,要變身廚神真係話都冇咁易呀~

立即選購:http://bit.ly/2PzQ93q

10. SPAO

可能你會話香港都有 SPAO 啦洗咩網購呀,但係好多 SPAO 聯乘卡通人物嘅系列喺香港都係冇得賣架!好似蠟筆小新、百變小櫻、哈利波特等等,全部都係網購先買得到架!
立即選購:http://bit.ly/2PxQxzg


韓國網購通常都係去 G-Market?其實 11street(11st)呢個網同樣都有多元化嘅產品選擇,亦係韓國三大購物網站之一,好多韓國人都會喺呢個網站搜羅各式各樣嘅產品架~唔識用又或者唔識韓文都唔緊要,立即為大家呈上 11st 網購教學!

11st 設有中英版,絕對係方便海外賣家嘅貼心功能!只需要於網站右上角選擇你想要使用嘅語言就可以輕鬆轉換。


於右上角點按「註冊會員」,網站支援連結 Facebook 帳戶登記成為會員,亦可以 ID 以及電郵地址註冊新帳戶,提提大家記得睇吓有冇同人撞名,冇的話就可以按確定提交資料,申請帳戶就係咁簡單!



註冊成為會員後就可以於「優惠券&活動」頁面領取優惠券,只需點按「Get It」就領取成功架喇~咁樣買嘢就更加抵啦!


拎好優惠券就可以開始掃貨喇!除咗可以根據產品分類嚟搵心水貨品之外,亦可以善用搜尋功能尋找你想要嘅產品。一般 11st 嘅產品頁面都唔止得一款產品可供選購,呢個時候就要喺選項位置揀返你想買嘅產品;將產品加入購物車前亦記緊要選擇「配送類型」以及「更改優惠券」。


由於網站未必會自動幫你揀選最抵嘅優惠,所以記得要自己再睇清楚係咪最抵價先好加入購物車。揀好優惠券後點按「Apply」即可!


將所選產品加入購物車後就可以進行結算,記得再次檢查優惠券是否已經套用到產品之上,冇問題就可以結算喇!


填寫地址時需先點按「查找地址」,然後只需要根據「海外倉庫地址」一頁填上即可,如不清楚亦可根據下圖(圖2)所示搜尋地址,揀選第一項後再於網頁填上餘下資料(圖3)。謹記於姓名一欄填上 User ID,以茲識別。




確保收件資料無誤後就可以進行付款,11st 接受以海外信用卡作交易,想買最新韓國產品真係話都冇咁易呀!記得發貨後要上返嚟申報貨件喇~


另外,11st 提供直送澳門服務,不過 0.5kg 收費就要 ₩ 12,710(約 $86),而經 Buyandship 轉運韓國貨件首磅只係 MOP$38,續磅 MOP$28,仲可以同美英日澳貨件合併添!想知道直送定轉運較抵的話,亦可以於網購前查看 11st 國際運費:http://bit.ly/2GQp3SH

11st 中文版官網:http://bit.ly/2V0GIjs
11st 韓文版官網:http://bit.ly/2vtu0dG