十萬份氹男朋友開心的禮物

作為一個稱職嘅女朋友,情人節又點可以唔識做呢?雖然話男仔最想收到嘅禮物都離唔開遊戲機、電子產品等,但我哋介紹得嘅又點會咁行,小編們嚴選咗幾十份氹男朋友開心嘅禮物,話埋您知邊度抵買,總有一款啱佢心水!


Jack Spade 精選產品

成日都 Kate Spade,其實佢哋旗下都有條男士副線 Jack Spade!主打當然係公事包、袋類同銀包啦,斯文得來一啲都唔老土,適合各位型男!各位絲打一於買完包包,再買返個銀包或手袋俾男朋友獎勵下佢啦。

日本手造眼鏡 泰八郎謹製

講到日本職人手造眼鏡品牌,最老字號同最大名氣莫過於泰八郎謹製,主要原因係同 NUMBER (N)INE 聯乘過同木村戴過。泰八郎唔單止拋光手工好,加上獨特質感、特製嘅鍋釘同英文字樣令成個鏡框賦予咗獨特嘅性格。

美國 Brooks Brothers 恤衫

男士西裝正係 Brooks Brothers 拿手項目,佢哋出品嘅恤衫同西裝極具斯文英倫味道,亦令男士們盡顯紳士風彩!澳門買太貴?成 8xx 一件恤衫?網購就可以係澳門價嘅一半喇!即刻幫男朋友個衣櫃添置下啲新恤衫啦。

自訂 M&M’s 朱古力

喺情人節呢個重大節日當然唔係送普通 M&M’s 咁簡單啦。美國嘅 M&M’s 提供客製化服務,可以俾你設計專屬嘅 M&M’s!除咗可以揀顏色之外,仲可以揀想要嘅圖案、字體、相片,包裝上亦有多款選擇,豐儉由人。

英國 Paul Smith 產品

英國 Paul Smith 官網做緊指定產品低至半價,送俾男朋友就一於買銀包、袖口鈕、領呔啦,一律低至幾十英磅就有交易。小編提晒你哋㗎喇,唔好到嗰日仲係兩手 fing fing 啊。

Pomade 髮油造型用品

近呢兩三年男士興起油頭文化,除咗可以去 Barber Shop 剪返個油頭,當然唔少得可以買返啲 Pomade 自己 Set 下個頭啦~其實網購 Pomade 一啲都唔貴,唔少著名品牌「豬仔」(REUZEL)同「骷髏頭」(SUAVECITO)都係十幾蚊美金就有交易,平過喺澳門美髮店多多聲。

BRAUN 百靈錶

睇到「百靈牌」就一定會諗起「刮鬍刀」,呢個經典德國牌子,最近推出男款石英錶,增添男士生活品味。設計極簡約、實用同美感,透過純粹表現同高機能嘅簡約設計!38 mm,皮革帶帶扣,防水50米,絕對係非常抵買!

DJI 航拍機

玩開航拍嘅朋友都聽過 DJI 呢個品牌,憑住佢創新能力同品質一直都佔領航拍界地位,喺市場佔有率仲佔 7成咁多添。最平嘅入門級 Tello 只係 $779 就可以入手,重量只有大約 80g,續航力為 13 分鐘,飛行距離為 100 米,用家只需要用智能手機連接 Wi-Fi 就可以操控佢,一於買返部俾男朋友,等佢可以幫您拍片影靚相!

Lego 模型

仲諗緊送咩情人節禮物俾男朋友?不如考慮吓送 Lego 模型啦~其實佢哋都想收到自己鍾意嘅玩具作為禮物,而 Lego 設計出哂名夠精緻,又有咁多款式總有一款啱佢嘅!唔好以為 Lego 呢啲只係小朋友玩意呀,其實都一樣可以好複雜好講究架~送咗俾佢之後又可以一齊玩,消磨成個下晝都冇問題!

Zozotown

真係唔知送咩好嘅,揀返套衫都一樣 OK!唔少男仔都鍾意著日牌,始終設計以及剪裁都比較適合亞洲人身形嘛~想買日牌當然係上 Zozotown 啦,覺得無從入手的話小編推介可以睇睇 BEAUTY & YOUTH、JOURNAL STANDARD 以及 BEAMS 呢三個品牌,好多日本人都鍾意買呢幾個 brand 架~

adidas 日本官網選購正版波衫

雖然話旺角有唔少高仿波衫,而且仲仿真度極高,但買波衫始終都係買正版好啲,著上身都無咁心虛。日本 adidas 官網就出售各國球衣,保證件件正版,唔怕俾人呃,買得安心又放心,咁就唔怕送件假野俾男朋友啦!

BOSE 耳機

相信大家對 Bose 嘅認識,除咗係靚聲、多款,而且仲係價錢合理。其實網購更比專門店買隨時平一半,官網全網做緊低至 50% off,其中耳機 SoundSport In-Ear 更係由 US$99.95 減至 US$49.95(約 $389),連運費先 4百幾,絕對抵玩!如果男朋友咁啱想換個新耳機就啱晒喇。

日本 JFA Store

男朋友鍾意睇波,仲鍾意日本國家足球隊?咁一於就上 JFA Store 揀返份禮物送俾佢啦,除咗有波衫、鎖匙扣、T-shirt 等紀念品之外,佢哋早前仲同 Porter 推出聯乘商品,絕對啱哂鍾意 JFA 嘅佢啦~

各類 Outdoor 服飾

嚟緊準備同另一半去外國旅行?咁不如就上 Moosejaw 買定啲 Outdoor 品牌嘅服飾俾佢啦,夠哂實用又襟著,佢實讚你貼心呀~而家仲做緊減價貨品額外九折優惠添架,買多件俾自己著情侶裝又得,得咗!

Incase 相機袋/公事包

想男朋友同你周圍去影相?咁你都要識做先得架嘛,送返個 Incase 相機袋俾佢,好睇又夠保護性,帶齊裝備出發影相!又或者另一半返工成日都要帶住電腦周圍走嘅,揀個靚啲嘅公事包或者 Backpack 俾佢都一樣 OK!

J.Crew Factory 服裝

想包辦哂男朋友全身嘅服飾?咁 J.Crew Factory 就啱哂啦,佢哋走 Smart Causal 路線,啲款式返工又得去街都得,仲夠哂抵買,揀多幾件俾佢都無問題呀~

Mankind 男士護膚品專門店

護膚其實唔係女仔專利嘅,男士們都一樣要做好清潔部分,行出街都醒目過人啦~唔想再見到男朋友面上粗大嘅毛孔、黑頭?又或者想買剃鬍用品俾佢的話,喺 Mankind 就可以一次過搞掂哂,多個男士護膚品牌集於一身,唔洗再左搵右搵啦~