寵物用品網店特輯

貓貓狗狗係唔少人心目中嘅心肝寶貝,不過都市人工作繁忙,未必成日抽到時間去寵物用品店選購到家中主子嘅日常所需,呢個時候咁就要網購喇!


美國 Chewy

自從被美國寵物用品零售商 PetSmart 收購咗嘅 Chewy.com,佢已經極速成為美國最大型寵物用品網店之一,產品非常齊全!知名品牌包括 Blue Buffalo、Royal Canin、Merrick、Wellness 等等,一個網就可以幫屋企嘅小主子添置晒所有用品喇,無論貓貓、狗狗產品,甚至魚同雀仔嘅產品都有!

網店仲有 Today’s Deals 每日特價精選區,優惠係低至半價架!

美國 Bed Bath & Beyond 寵物專屬用品

唔少奴才都鍾意為家中主子自訂寵物專屬用品,就好似頸繩、坐墊、食物兜兜等。美國 Bed Bath & Beyond 呢個網店就可以滿足奴才們嘅要求喇,每件產品都可以 Personalize,無論顏色、圖案都有得揀,最重要係仲可以加埋狗狗或貓貓嘅名字!

日本 Pet Paradise

好多奴才去到日本都會去行吓 Pet Paradise,因為呢間寵物用品店啲款真係夠哂得意,仲經常推出唔同卡通人物嘅產品,好似 Disney、Snoopy、Gaspard et Lisa 等等,著喺主子身上就更加可愛啦~除咗衫仔之外仲有浴衣、床仔、清潔用品、睡墊等各種寵物用品,奴才快啲去幫主子入貨啦!

日本 DOG CHOiCE

想幫家中主子扮靚靚?呢個網真係可以令奴才們大出血!事關 DOG CHOiCE 出售好多狗狗服裝、用品同飾物,有成過千個款式,真係花多眼亂有排買,最重要嘅價錢由幾百円起跳!

台灣 VBONE

當小動物有病時真係要特別細心咁照顧佢哋,台灣呢間寵物用品店 VBONE 就有病老犬貓介護用品專區,集合各種照顧病老寵物時需要嘅用品!另外仲有好多唔同功效嘅寵物保健品,好似骨骼保健、皮毛保健、心臟及心血管、胃腸保健等等,更有各種專題,等你喺買嘢嘅同時可以學到更多照顧寵物嘅知識!