口痕必備~台灣高坑牛肉乾!

無論係晏晝定夜晚,食完餐飯都總係好快又口痕,好想搵啲零食食吓,填補埋個胃剩低嗰少少空虛感。而講起零食,台灣當然夠哂多選擇啦,除咗鳳梨酥同蛋捲呢類小食之外,今次就同大家介紹呢間高坑牛肉乾

呢間舖頭已經有成四十幾年歷史,佢哋無論係對肉質、口感、肉嘅厚度、醬汁、香料等等同樣講究,每款肉乾都係店家用心製作嘅成果,亦因為呢份堅持先可以令佢哋多年嚟都得到食客嘅支持!

佢哋推出多款口味嘅牛肉乾,除咗有常見嘅原味、辣味以及蜜汁之外,仲有沙茶、黑胡椒、咖哩、麻辣等等,而最特別嘅當然係高粱酒味啦!以獨家研發嘅比例加入高梁酒,不單冇濃烈酒味,更可以令肉乾變得更濕潤好食,一食真係停唔到口呀!

另外亦有牛肉角、豬肉乾、豬肉乾等產品,NTD200(約 HK$51)一包,買多幾款返去咁就唔怕口痕冇嘢咬啦~

高坑牛肉乾官網:http://bit.ly/2Av25ja